Lisa S.飲酒力證冇懷孕
名模Lisa S.與周汶錡為配飾活動擔任模特兒，Lisa表示新年派了很多利是，感覺到真正結婚了。問到有傳懷孕一事，她說：「我冇，唔信我可以依家飲杯酒、食支煙。」繼而表示造人計劃依然努力中：「我有搵中醫針灸調理身子，無論生龍B或下年生蛇B，係自己嘅BB就一樣鍾意。」周汶錡則表示早前與男友及一班友人到巴黎滑雪，但因太冷而沒有Shopping。對於前男友杜德偉早前在台灣節目中指前模特兒女友有公主病，周汶錡成為嫌疑人物之一，她即澄清：「吓？識我嘅人都知我冇公主病，加上佢之前有咁多模特兒女友，有時我仲比男人強，唔使男人幫我攞篋。」
周汶錡（左圖）和Lisa擔任配飾活動模特兒，甫見面即寒暄一番。