任賢齊聽住《心太軟》做手術
周一接受割盲腸手術的任賢齊，昨午約十二時由女友Tina陪同下出院，即晚便要飛往台灣為本月18及19日的紅館演唱會開會及做準備工作。問到是否適宜搭飛機，小齊說：「都有問醫生傷口會唔會爆，但因為微創手術傷口好細，唔會影響到。」他自爆因首次做手術所以很害怕，醫生為緩和其情緒竟播《心太軟》讓他放鬆。
問到女友是否很擔心？小齊說：「屋企人都擔心，囝囝嚟探我仲㩒我個肚，又亂搞病房入面啲掣，好驚囉！」由於微創手術令身上留下兩個小窿，小齊表示傷口還有點痛，但精神及狀態比入院時好得多，並笑言有意在小窿上紋身來遮掩疤痕。
