陳嘉桓詐肚痛撇富豪

陳嘉桓經歷被無禮攬錫事件後，黑氣依然未除，早前更墮入富豪飯局陷阱，幸她經一事長一智，帶同經理人出席，總算有驚無險，安全離場！

陳嘉桓（Rose）早前於內地出席活動，獲廣告商女老闆邀請吃飯，當時Rose覺得對方很好人，不虞有詐大方答允。萬料不到原來是個富豪飯局，幸好Rose早已學精，未有獨自赴會，她說：「經一事長一智，女老闆約我食飯，為咗安全計，都特別叫埋經理人陪我去，點知一去到就有意想不到嘅事發生！當我哋去到餐廳，女老闆原來帶埋一啲男性朋友嚟，睇佢哋嘅排場同有保鏢喺身邊，應該係一啲內地富豪，我哋當時都覺得有啲唔妥，聽埋佢哋嘅對話就更加古怪，佢哋不停問我一啲私人問題，仲不停叫我飲酒，好彩有經理人幫我解圍，之後經理人同佢哋講我個肚唔舒服，先能夠成功離開，短短十幾分鐘，好似過咗半日一樣，嚇死我哋。」

冼師傅放心

Rose處事變得成熟，學懂保護自己，最開心的當然是扶持她成長的師傅冼國林，冼師傅亦讚Rose成熟不少，處事明顯比以前叻，懂得避忌及防範，不似以前般毫無防衞之心。