吳卓羲托桃花擺陣「催情」
吳卓羲（Ron）、苗僑偉（三哥）及黃智雯等昨日到大埔林村許願樹，為新劇《缺宅男女》拋寶牒祈福，鍾嘉欣因病缺席。對於上周收視最高33點，Ron說：「都驚農曆年流失觀眾，依家叫做升番。（分手戲似《談情說案》？）分手都係差唔多對白，嘉欣拍嗰時擔心觀眾唔接受。（佢角色自相矛盾？）結局會順番。（求姻緣？）隨緣啦！年廿九托咗棵桃花返屋企。」
對於劇集在「炮灰檔」收視回升，三哥說：「叫回復正常啦！我發夢都估唔到擺新春檔上啫！新年見到鍾嘉欣喊苦喊忽都想熄電視啦！希望結局篇收視再好啲。」黃智雯則說：「驚觀眾唔鍾意我關二嫂個角色，嚟到又冇嘢喎！好想結局40點收視。遲啲講我同大佬安（三哥）嗌大交，場戲拍完我都頭痛！」
吳卓羲和賈曉晨到林村掟寶牒許願。
對於劇集收視回升，苗僑偉大感安慰。