阿旦MonnaBra閉辣出火

陳靜（DaDa）與師妹「E Cup教主」鄧伊玲（阿旦）及「混血E神」林宜芝（Monna），日前肉帛相見試新Bra，期間阿旦與Monna為爭試靚Bra導致面左左，要DaDa解圍。

身材同樣火辣吸睛的「百果園咪神」陳靜（DaDa）、「E Cup教主」鄧伊玲（阿旦）及「混血E神」林宜芝（Monna）三位「重量Cup」甫入春便同時出擊，齊齊挑選新Bra，實行谷靚咪咪。

日前中午，DaDa、阿旦和Monna結伴到旺角的內衣店入貨，面對林林總總的新Bra，各人心情雀躍，分頭搜羅心頭好，阿旦目標明確，極速揀了一大籃，率先走入試身室，Monna和DaDa稍後亦選中新Bra，各自試穿後齊齊大膽地走出試身室互相比較。

經常爭嘢

雖然她們上圍尺碼相近，但戴上有承托效果谷胸Bra的Monna尤其豐滿，阿旦打量一番後，主動表示欲試穿Monna的谷胸Bra，但Monna嘴扁扁一口拒絕，兩人你一言我一語，搞到面左左之際，大師姐DaDa上前解圍，更拿了一大籃配飾讓兩位師妹分享。問到兩位師妹揀Bra面左左時，DaDa笑說：「因為之後有個活動所以一齊揀Bra，我哋經常都係咁樣爭嘢！大家都係想靚啫！唔會反面嘅！」

另一邊廂，DaDa的緋聞男友李雨陽，日前獨自到中環，他進入食店用膳時，頻頻講電話，埋單後便與戴夢夢會合，再雙雙進入附近一間店舖，久久未見離開。