舊公司做到喊 新公司好溫暖
過去9年喺舊公司有開心、有唔開心，唔開心係因為好迷失，試過開會開到喊，覺得好多嘢做唔到，有心無力，其實好怕人哋答應我啲乜，好怕應承咗你，跟住又做唔到，好怕嗰種失望，當然遇過好多啦！只可以講好多時候錯過好多機會，但係我又唔想將所有責任推晒畀人哋，明白要靠天時、地利、人和，但係有好多機會可以做得更好，奈何Miss（錯過）咗！既然有新環境，加上都試咗九年，大家磨合咗九年，想試第二啲嘢、新嘅衝擊都好正常，其實我都要好大勇氣去下呢個決定，我覺得自己做咗啱嘅決定。
每間公司做嘢方式唔同，但係入咗環球之後覺得好溫暖，大家溝通上好好同Open去傾，鍾意呢種溝通方式，因為真係喺一個9年嘅環境太耐，好難再突破自己，我選擇同一間新公司合作，大家有新火花，我真係覺得成績唔錯！
當年Cookies Foul剩四餅，Kary（右起）、Theresa、Stephy及Miki如今已獨立發展。