謝霆鋒與周杰倫在英皇電影《逆戰》中打鬥連場，劇情更講述兩人的兄弟情，無獨有偶昨日霆鋒在電影慶功上亦大談兩位囝囝的兄弟情，指他們感情非常好︰「Lucas好生性，會睇住個細佬（Quintus），之前佢哋唔小心撞親，知佢（Lucas）都好痛，但會第一時間睇細佬先。」他大讚兩兄弟感情非常難得︰「呢啲係真正嘅兄弟手足情！血濃於水，真係好少見到！朋友間都係好少見到。」
《逆戰》講述周杰倫（左）與霆鋒的兄弟情。
