Lucas撥到行 勸鋒芝復合

謝霆鋒昨晚出席英皇電影《逆戰》慶功宴,對於屢傳跟張栢芝復合,向來企硬的他態度突然軟化,不諱言早前有跟栢芝及囝囝一家四口食團年飯,又透露大仔Lucas不時充當「紅線仔」游說復合!

由英皇電影投資兩億港元的電影《逆戰》,日前已躋身香港及內地春節檔電影華語片票房冠軍,為回饋粉絲支持,電影公司昨晚假陽明山莊舉行慶功宴,演員謝霆鋒、周杰倫、姜皓文、吳浩康及導演林超賢等均有出席,眾人起筷「撈起」寓意票房理想,劇組更獲英皇老闆楊受成送贈「賀歲片票房冠軍」的牌匾。

以一身乾淨斯文造型示人的霆鋒,穿上西裝、架上眼鏡,感覺煥然一新,他笑言新一年想以新造型見人,昨晨他見過囝囝,問到會否經常掛住囝囝?他說:「其實我都成日見佢哋!(新年日日陪囝囝?)唔敢咁講,但係都陪咗佢哋好多日,有帶佢哋見拉姑。」他謂長子Lucas經常叫他多留在港,不要周圍飛:「我同佢講要工作,佢都明白,依家年代嘅小朋友比以前進化好多。」

一家四口食團年飯

自去年鋒芝鬧離婚後,霆鋒每次回應有關復合之說時多數避談,有一次更笑言「打鑊你吖嗱」來阻記者追問,但為了一對寶貝仔,鋒芝近來愈行愈近,一家四口不時有家庭聚會,關係大為改善。昨晚心情大靚的霆鋒毫不避忌分享現時跟栢芝的生活點滴,問到探兒子時栢芝會否在場?他說:「佢一時時喺度,佢都要工作。(食團年飯?)有食,同阿爸阿媽有食,同佢哋都有食,係中國人傳統。(覺得同栢芝食團年飯好怪?)唔會喎!因為之前已經講好咗,要對兩個細路仔好,而且今時今日離婚都唔係咩特別事,我父母同我太太嘅父母都係咁!」

栢芝留家避「鋒」頭

至於Lucas更經常充當「紅線仔」,八卦父母感情事,不時游說復合,霆鋒說:「佢有時會講,但唔會成日講,得閒講一、兩句,佢好識嘅,唔會成日不斷講。」此外,Lucas有時睇電視見到霆鋒被打會喊,霆鋒笑言自己細個跟他一樣,有次在電視看到老竇謝賢被斬手,會放聲大哭!他認為細仔Quintus則較慢熱,問到為何Quintus頭髮稀疏及有「M」字額?他笑着贊同:「係囉!我都覺得好得意!點解呢?應該遲啲會出番頭髮!」對於票房報捷,他直言開心,但從不着緊數字。

另外,慶功宴舉行的場地陽明山莊正是栢芝寓所,原來她早已得悉,故昨晚足不出戶在家湊仔,以免出入時被傳媒拍到。

第一手消息請下載on.cc東方互動iPhone/iPad/Android Apps

專案組

官仔骨骨的霆鋒提到囝囝時,不時咪咪嘴笑。

英皇老闆楊受成(右二)送上「賀歲片票房冠軍」牌匾贈興。

霆鋒影完相便「告辭」。

慶功宴上,霆鋒、周杰倫及導演林超賢等齊齊「撈起」寓意票房大收。