蔡瑩瑩加國譜雪地戀曲
「模狀元」蔡瑩瑩（Ivy）早前與男友一家去加拿大溫哥華滑雪旅行，獲教練貼身教授，終於成功學識滑雪，她雀躍地說：「以前坐纜車次次落車都會仆低，今次進步神速，終於成功！下次一定可以喺雪山滑落去！」慶幸當地天氣好，只有一晚下雪，而且下午陽光普照，她大讚雪山非常美麗：「見到一座一座雪山，好似平時啲Postcard咁靚！」
Ivy四年前曾於當地讀書進修，今次與男友重遊舊地：「好掛住以前讀書嘅日子，好開心再見番當地朋友！」她在當地著名滑雪勝地Whistler度假村逗留五日，但她因滑雪後體力消耗太大，未有到鄰近美國城市西雅圖觀光：「滑完雪手軟腳軟，都冇周圍去，淨係同朋友食飯敍舊咋！」
一望無際的美麗雪山，激發起Ivy學滑雪的決心。
Ivy新年前與男友到溫哥華滑雪旅行。