何超儀昨晚以透視裝現身所屬經理人公司的春茗，心情不俗的她，對於城中熱話何超瓊（Pansy）與俞琤早前十指緊扣蜜遊巴黎度歲，超儀力撐家姐說：「我梗撐佢，大家都唔好再畀咁多壓力佢哋啦！（你想學林海峰話齋：『保護瓊俞』？）嘩！鯨魚咁得意？絕種動物呀！（瓊俞關係點？）我真係唔知，不過咁大個人有自己選擇。（你識唔識俞琤？）做得呢行，個個都識得佢。（你哋喺家庭聚會見過？）唔好講佢哋喇！總之做人最緊要開心，每個人都有權利選擇！」
何超儀對於「瓊俞」甜蜜外遊大表支持。
