Chilam擲300萬豪揸林寶堅尼

型男張智霖最近升呢豪擲約300萬元、購下林寶堅尼Gallardo Spyder辣跑！前晚他駕駛新歡於銅鑼灣出巡，與郭富城揸「情侶車」，相當注目！

向來重視家庭的張智霖（Chilam），自從與袁詠儀（靚靚）誕下囝囝魔童後，平日多數以七人車或房車代步，一切安全至上。近年復出樂壇的他，自去年購下第一代日版MR2經典跑車，以及早前於瑞士旅行時買下一個約40萬元的鱷魚皮手袋給老婆靚靚後，最近更豪擲約300萬元，購下一部炭黑色Lamborghini Gallardo LP560-4 Spyder開篷辣跑給自己，與圈中數一數二的超級車迷兼死黨郭富城（城城）及沈嘉偉睇齊！

名車泊街惹人(目及)

前晚，Chilam、城城及沈嘉偉撇下另一半，各自駕駛辣跑到銅鑼灣一間酒家晚膳，三人儼如車展般將名貴跑車停泊在酒家門外，十分搶眼，每當有途人經過都不禁停下駐足研究，甚至拿出手機拍照留念！至晚上11時半，三人才埋單離開，問到林寶堅尼是否新買？Chilam說：「係呀！我哋幾個揸情侶車！」問到靚靚有否反對揸辣跑？他只笑而不答，然後友善地揮手道別，並急急登上新歡。而城城亦登上掛上「AARON」名字車牌的銀灰色林寶堅尼，與沈嘉偉齊齊駕駛辣跑絕塵而去。

靚靚支持當動力

昨日Chilam接受本報電話訪問時，問到豪買辣跑，他說：「唔好渲染！買架車唔係咁大不了，每個人用錢都有自己嘅選擇！有啲人鍾意買股票，我就鍾意買車囉！今年2012，想盡量做啲自己鍾意做嘅事！（香港啲路難發揮新車性能？）絕對係！不過我好守規律，唔會揸好快！（好豪喎！）我又唔係第一年出嚟做嘢，獎勵自己都唔使諗係咪賺好多，依家好想日日見到架車！」

至於靚靚亦支持老公決定：「我知係佢心頭好！買嚟獎勵自己亦無可厚非，可以作為工作嘅推動力，不過凡事要適可而止！」