將於今年底退休的監製李添勝，對於新劇《天梯》可能隨着女主角張可頤過檔而成為「倉底貨」，大呻「關我鬼事」！
由於可頤的「變節」，新劇分分鐘淪為「倉底貨」，曾轟無綫安排「炮灰檔」給其劇集的添哥，問到今次可會擔心？他昨日透過電話說：「我諗唔會啩？個劇成本好高。（公司有提及呢個劇？）冇，不過我唔理啦！關我鬼事！（做後期未？幾時出街？）啱啱先剪緊片，未有出街日期，所以公司唔會將佢列為優先處理，但我有時間咪剪咗先！」
即將榮休的添哥，對《天梯》會否成為倉底劇，都已經「費事諗」。
