法拉「三」不逢時 娜姐Jeana齊轟孤寒

去年陳法拉未有「三粒星」，未能分享六千大元，然而財政司司長今年卻勒緊褲頭堅拒派錢，已是香港永久居民的法拉只有望財興嘆。

財政司司長曾俊華去年大派六千元「利是」，可惜陳法拉當時仍未符合香港永久居民資格，未能受惠。今年已攞「三粒星」的法拉，原以為有機會分享港人成果，可是財政司司長昨日公布的財政預算案中沒有派錢措施，法拉坦言沒有不快，只恨政府的房屋政策欠佳，未能在港置業。她說：「一直有留意樓市，但樓價真係太高，放假去過世界各地旅行，就算日本地價咁高都冇香港咁貴。」

可憐「三無」人士

庫房水浸，政府似乎視草根階層如無物，「三無」人士繼續受惠不多，有碗話碗的杜汶澤坦言對這個政府早已死心，他說：「都冇時間睇佢講乜啦！香港係要自求多福，等香港政府做嘢就死得，講真，回歸咁多年都冇乜期望，喺度扮選舉都係阿爺話事，不如睇吓戲好過。」

經常鬥嘴的周秀娜和Jeana竟口徑一致，異口同聲轟財政司司長是守財奴，娜姐說：「睇完財爺表演，始終對基層補貼唔多，『三無』人士冇直接受惠，去年派六千蚊已經唔係幫到好多，睇嚟紫荊俠今年有排忙。」Jeana則說：「聞說政府去年盈餘五百億，未計一、二月稅收高峰期，估計起碼有八百億盈餘，一年有成咁多錢都唔去還富於民，好鬼孤寒囉！」