蔡楓華操肌踩入紅館

歌手蔡楓華與林志美昨日一同出席活動，他透露正籌備四月的紅館演唱會，已揀好歌的他現時積極操Fit：「交唔到六舊（腹肌）都交兩舊吖！（依家？）依家得一舊。（性感唔係你賣點？）每個人形象唔同，到時有幾多舊就Show幾多舊。」對於四面台演出，他說：「其實都幾大壓力，蔡楓華諗嘅嘢只有蔡楓華先知！（點減壓？）希望到時升降台升上去可以唱好歌畀大家聽！」同時他表示必會邀請盧敏儀欣賞個唱，問到售票情況？他表示不知詳情。另外，日前他與由Fans變成女助手並傳出戀情的Mandy於銅鑼灣行街，期間他除下大褸時，Mandy醒目地為他拿着，二人在百貨公司逗留半小時後，雙雙乘巴士返回男方位於筲箕灣的寓所。

蔡楓華與林志美將於慈善活動上合唱。