福祿壽着比堅尼唔剃腳毛
慣以女兒身示人的福祿壽，在即將舉行的紅館演唱會中，破天荒以噴飯比堅尼造型勁歌熱舞，更笑言不用剃腳毛，阮兆祥及李思捷說：「我哋有竅妙，總之你哋到時睇會覺得我哋皮光肉滑。」為塑造Fit爆身形，福祿壽連日來喪食減肥餐。
另外，三人繼續將無綫愛將林峯擺上枱，祖藍除獻唱林峯具爭議性的金曲金《Chok》外，還大玩《Let's get wet》，積極苦練林峯Chok甫士的他，大嘆「林峯唔易做」：「呢個動作搞到我膝頭哥腫晒！」他又指林峯並非如傳聞所指拒做嘉賓：「係我哋冇請過佢做嘉賓。」三人又笑言幸得兩大天王「相助」：「好感恩可以用郭富城嘅排舞室練舞，並多謝張學友啟發咗我哋叫啲粉絲以米代花。」
福祿壽李思捷（左起）、阮兆祥及王祖藍一齊Chok扮孔慶東。
福祿壽的比堅尼造型草圖曝光。
王祖藍為模仿林峯甫士而弄得膝頭腫痛。