黃凱芹默認已婚生仔

黃凱芹（Chris）將於3月再踏紅館舉行2場演唱會，昨日他出席記者會。對於曾被拍到在愉景灣湊仔，問到是否已婚生仔？他說：「可以講嘅係家庭生活幾愉快，其他問題微笑回應，我唔想用呢啲宣傳，大家心知肚明，已經影到相。」此外，昨日本報披露他簽約金牌大風，Chris承認簽了唱片發行及宣傳，又指有留意樂壇頒獎禮，並自嘲唔識「Do」：「唔好話亞太區男歌手，連金曲都未攞過，頒獎禮有佢嘅遊戲規則，攞獎唔代表一切，唔需要勞氣。」

黃凱芹再踏紅館，粉絲全力支持。