基仔開騷狂操手瓜現「米奇」

收拾放假心情的古巨基,為下月4日的澳門演唱會繼續綵排。他自爆新年時與友人團拜玩兩手:「以前佢哋見我好似鬼見愁,今年我抱『仁慈之心』回饋吓佢哋囉。」基仔去年的一曲《爆了》更成為朋友玩啤牌時的「金曲」,他笑說:「我一做莊,佢哋就不停嗌『爆了』,次次都畀佢哋嗌中。」而他每年都向員工大派開工利是,問到得力助手Lorraine是否已拜年?他說:「佢梗係要同我拜年逗開工利是!(佢嗰封最大?)佢會知嘅。」

基仔昨日打沙包健身,由於新年前手臂的「老鼠仔」瞓着晒,笑言操練兩日才「醒番」:「我幫佢哋改咗名,左手叫米妮,右手叫米奇,一聽到教練叫操,米妮就話咪嚟。」

基仔勤於打沙包操「老鼠仔」,為下月的澳門騷做好準備。