許亦妮聞好友拍拖O嘴
朱晨麗與李晉強疑暗撻三個月，同屆季軍許亦妮昨日出席團拜時大感訝異：「唔係啩？我都冇聽聞，覺得佢哋只係朋友！」未知是否受好友「戀情」影響？她揚言恨覓得如意郎君。亞軍朱希敏昨晚接受電話訪問時亦表示不知道兩人拍拖：「就算係都冇乜大不了，平時成日見！（襯唔襯？）私底下好多人話李晉強同許亦妮襯啲！（覺得佢劈腿？）唔知佢同老外男友感情點。」
至於與李晉強同屆的黃建東則踢爆對方最近經常失蹤：「約佢做Gym又話唔得閒，我都有笑佢，叫佢帶埋朱晨麗嚟。」他讚兩人外形與身份均襯絕：「如果係真會祝福。」
與朱希敏出席團拜的許亦妮（右），對好友朱晨麗拍拖感驚訝。
黃建東（右）爆李晉強掛住拍拖頻頻潛水！（資料圖片）