超盈孤獨返港疑爆 「分」訊

何家淑女何超盈最近被傳與拍拖近4年的Greg，醞釀情變爆「分」訊，故超盈全女班飛赴韓國旅遊療情傷！日前超盈返港時顯得悶悶不樂，心事重重！

賭王何鴻燊各房女兒的感情生活，向來多姿多采，四房長女超盈與Greg感情穩定，更曾傳出婚訊，惟近日卻爆出情海翻波！日前有讀者爆料指超盈與全女班現身韓國首爾，並準備登機返港。記者趕往機場等候，發現超盈與胸模「爆E超蓮」鍾采羲（Iris）結伴返港，不過未見Greg，令傳聞更似層層！

甫出閘狂「煲粥」

當晚戴上墨鏡的超盈，親自推着行李車出閘，絕無架子，不過她甫出閘即喪煲電話粥，又見心事重重！其後她到書店「打書釘」，然後到便利店買零食，神情落寞，最後到停車場等司機接載回家。對於傳與Greg分手，超盈堅決否認，並表示二人赴韓國旅行充電，她說：「冇咁嘅事（分手），其實男友都有去，不過大家有啲時候分開玩，佢鍾意滑雪，我哋去買嘢囉！」她強調與Greg拍拖近4年，從來沒有分手，言語間她更處處維護Greg，她說：「我男友唔係名人，佢做建築嘅，為人好低調，所以比較少出嚟！其實唔係成日出嚟先叫做拍拖，有時佢有嘢做陪唔到我，總之，我好多謝男友成日喺我身邊！」

好友維護到底

至於與超盈結伴赴韓的Iris亦似夾了口供表示，當日大夥兒搭飛機赴韓，去到當地各有各玩：「Greg同朋友去首爾附近地方滑雪，我同超盈及其他女仔就去Shopping！」她還護友心切地說：「本身最後嗰日諗住約番埋一齊，不過最衰係我，叫超盈唔好重色輕友，佢哋返香港都成日見啦！」