陳豪咀阿佘先備案
陳豪在新劇中與佘詩曼飾演一對，更有Kiss戲，昨日他宣傳時自嘲「癩蛤蟆食天鵝肉」，問到有否向女友陳茵媺備案，他說：「我咩都同佢講。（介意女友拍親熱戲？）我希望佢可以冇枷鎖咁演出，不過私心啲講，我唔太想睇！」談及早前帶女友返家拜年，他坦言非常開心：「我都係第一次食阿媽整嘅盆菜，好Surprise！（最後一年派單封利是？）慢慢啦！」
同場的葉翠翠不避嫌與緋聞男友韋家雄玩遊戲砌心心，並表示喜歡住家男：「我都鍾意留喺屋企。（高鈞賢？）佢好細心，但比較外向。」至於劉丹則表示未見過乖仔劉愷威的女友楊冪，但揚言很滿意：「佢又乖又靚。（同你拜年？）佢哋兩個一齊喺電話同我拜年。（催婚？）唔催得，順其自然啦！」
愛情得意的陳豪，咬住花仍難掩笑意。
傳撻着的葉翠翠與韋家雄，不避嫌砌心心。
黃德斌跪地冧小Fans時忍不住傻笑。