娜姐買800呎新竇唔預男友

周秀娜昨日谷胸扮「紫荊俠」到商場派福袋給長者,氹得一班老人家笑呵呵,對於被指去年狂賺2千萬元,她直言想盡快買樓做業主!

性感女星周秀娜昨日化身「紫荊俠」宣傳電影《3D紫荊俠》,並重演海報中單手托起電飯煲一幕,吸引大批市民及龍友圍觀!她還貫徹「紫荊俠」的行善作風,大派利是及福袋給長者,氹得一班「老友記」笑晒口,有婆婆更捉實她的玉手不放!

拍拖出埠戲水

娜姐近年賺錢賺到笑,被指單是去年已狂吸2千萬元,對此她謙虛地表示未有此數目,怕被稅局追稅,但直言想盡快做業主:「收入係多咗,但未收齊2千萬,總之錢搵唔晒,今年繼續努力,我想喺香港買個800呎單位!」曾揚言不心急結婚的她,否認買新婚愛巢,而是計劃與家人同住,問到是否一筆過找數,她說:「唔得,我都要供樓,啲錢仲要攞嚟做其他投資同做內衣生意,投資嘅嘢交畀爹哋搞,因為我唔識。」她已着手物色安樂窩,但卻忙得沒有時間睇樓,希望拍戲後可抽空放假抖抖,問到是否再跟男友陳偉成(Avis)出埠推油,她笑說:「唔好笑我啦!我係會去陽光與海灘嘅地方旅行。」

提到首次以「紫荊俠」造型出擊,娜姐坦言未見過對方真身,但曾閱讀相關報道,希望新片可帶出關心社會的訊息。對於電影於年中才開拍,她笑說:「我未試過戲都未拍,就要着住套戲服出嚟宣傳,套戲出年先上,可能呢一年都會Keep住咁出嚟宣傳!」

影視組

豬籠入水的娜姐未打算築愛巢,反而計劃買大屋與家人同住。

娜姐性感出擊派福袋,被市民重重包圍,極受歡迎!