其實我暫時唔拍內地劇有好多原因，好似我個仔仲細，佢得14歲，佢呢兩、三年成長期我哋大家都會好珍惜，可能三年後冇人搵我，但過咗呢三年我個仔大咗，我就永遠都追唔番。外人會覺得我呢個老竇好難得，其實每個人都要計吓自己嘅得失！但我都唔否定有一日會拍，但唔會主動去爭取，可能過一、兩年心態唔同，又可能個仔拍我膊頭，叫我唔使擔心上去試吓！目前我鍾意返TVB拍劇，又鍾意返屋企，正因為我離開過一段日子，睇通咗亦了解咗自己，原來TVB係好舒服，出面嘅世界好難捱！要重新適應對我嚟講好難。」（明日待續）
有仔萬事足的祥仔，珍惜與妻兒相處的時刻。
