曾與黎耀祥合作無綫劇《法證先鋒Ⅲ》和《舞動全城》的徐子珊，從未察覺祥仔有異樣。
對於祥仔自爆患社交焦慮症，子珊大表驚訝：「《舞動》時我仲係新人，我都戰戰兢兢啦！顧唔到咁多嘢，所以我留意唔到祥仔有呢個問題；但去到拍《法證》嗰時，覺得祥仔思想好正面，佢仲成日教我哋，帶我哋入戲，又有講有笑，真係唔覺得佢嘅『社交焦慮症』對佢工作有影響。但祥仔講到去陌生環境就唔慣，其實我去拍電影都驚驚哋，電影界中我都係一名新人，就更加『焦慮』啦！」
子珊與祥仔合作拍劇，直言不覺對方有咩問題。
