霆鋒湊仔半粒鐘四萬咁口

謝霆鋒與張栢芝雖已離婚，但為了一對寶貝仔，二人私下關係依然密切。據知霆鋒連日來均抽空探望囝囝，栢芝亦向經理人公司請了十多天假期陪仔慶新春。昨晚六時許，霆鋒被拍得現身陽明山莊，與栢芝及兩名愛兒一家四口齊度歲！

自上月本報獨家報道鋒芝與風水師Mike的合照後，鋒芝復合的消息傳得熱烘烘，雖然霆鋒否認，但據知他倆私下關係密切。消息人士指曾公開承諾新年會抽空陪伴兒子的霆鋒，連日來均有履行承諾，栢芝亦一早向經理人公司請大假，留港十多天陪仔過新年，可見鋒芝心有靈犀之餘，亦為一家四口能夠齊齊整整度新歲而絞盡腦汁！

霆鋒繼前日下午往陽明山莊探兒子後，昨晚六時許又現身該處，雖然只逗留短短半小時，但離去時明顯心情大靚，當記者跟他說賀年祝福語時，他笑笑口說：「大家咁話，恭喜發財！」之後霆鋒返回金鐘寓所，換過衣服後，再上車時舉起勝利手勢，到油麻地與公司員工吃開年飯。至於對兩名囝囝疼錫有加的栢芝，昨午在Viddy上載一條為時十數秒的短片，片段中的Lucas向懷疑出自栢芝「手筆」的意大利粉大叫Yummy（好味），感覺溫馨。

栢芝請大假

據知栢芝本打算申請兩個月大假專心湊仔，但因工作排得密密麻麻，只能由年廿八休息至下月3日便要復工，為電影《危險關係》埋尾。另外有消息指，原定2月14日情人節上映的電影《河東獅吼2》，因審批問題要延期上映。栢芝經理人余毓興承認電影審批後確實需要調整，故未能確定能否如期上映：「主要有啲敏感詞要修改，同歷史有出入嘅要避開，其實呢啲係正常手續，只係依家放春節假做唔到調整，為咗令宣傳期做足啲，可能真係會遲少少上。」他又指栢芝會盡量配合《河》片宣傳，不排除將錄音期提早至下月，以便稍後騰出空檔宣傳新戲。