譚耀文斟泊王維基碼頭
近年主攻內地的譚耀文，去年成功憑古裝劇《后宮》彈起，成為中、港搶手貨。日前，他獨自到銅鑼灣逛影碟舖，並專攻卡通片，似為難得的親子時間做準備。買碟後，他步往附近酒店會合兩男兩女到咖啡店密斟，期間傾到指手畫腳，相當投入！
據知阿譚在內地爆紅後，無綫與積極挖角的王維基公司亦瞄準他，而阿譚當日相約的便是王維基公司的職員。事後記者致電阿譚，開到是否有意與王維基合作，他不置可否地說：「有好多嘢都仲傾緊，細節未定！（有冇機會同TVB再合作？）有就梗係開心啦！始終以前合作過，我都好恨返香港拍戲，可以近啲屋企嘛！」
譚耀文（右）在內地爆紅後成為搶手貨，日前與王維基公司的職員會面，傾談合作事宜。
譚耀文買卡通影碟，氹一對子女開心。