徐子珊及陳豪等前晚出席倒數活動，明日復工的子珊，新年兩天假期都要準備新劇。劇中既要猜枚又要吸毒的她表示，平日只懂玩包剪揼：「諗住叫朋友嚟拜年時教吓我，預咗要交『學費』！」
而陳豪坦承去年大豐收，寄望今年成績更好，希望新一年健健康康：「呢排減咗6、7磅，遲啲叫茵媺一齊跑步！（派雙封利是？）慢慢嚟！（龍B叻啲？）唔信呢啲嘢，但都想有小朋友！」
子珊邊獻唱邊熱舞，令現場氣溫急升。
陳豪事業愛情兩得意，寄望新一年繼續事事如意。
