丁子高學煮兩味氹千嬅

懷有龍B的楊千嬅，將於6月做龍媽，丁子高（Real）相當緊張老婆飲食。為慰勞太太，Real趁新年專誠向楊貫一（一哥）偷師，炮製美食。Real學煮煎東星斑「年年有餘（魚）」和燕窩煮龍蝦「龍馬精神」兩味新年菜：「返屋企煮畀老婆同媽咪食，我諗佢哋會幾感動。」問到是否已知BB性別？他說：「我特登唔想知，畀個驚喜自己，以前想生仔，近排見朋友生女嗲啲、孝順啲，最好生兩個小朋友，不過都要睇老婆意思，BB未出世，佢下半年嘅工作已經排得好密。」

丁子高（左）向一哥偷師，學煮「年年有餘」。