JM炮製加料小籠包

龍年出世的文詠珊（Janice Man）為賀年，與曾演李小龍的好友李治廷（Aarif）炮製小籠包，他倆由搓粉到包餡都一腳踢，但顯得雞手鴨腳！貪玩的JM將小籠包皮整到手掌般大，還作狀拍在Aarif面上，Aarif即彈起閃避。兩人最開心是包餡，貪心的JM刻意放入雙倍餡料，搞到小籠包變燒賣，她笑說：「大有大食，咁樣會抵啲！」由於兩人自創的小籠包只得個樣，最終要師傅出手，吃過師傅炮製的小籠包，JM說：「好好味，因為包入面有湯，所以先咬開少少皮飲晒啲湯，如果唔係好易辣親嘴。」

JM作狀用小籠包皮拍面，Aarif即時閃避。

JM與Aarif食過師傅炮製的小籠包後大讚好味。