Eason為菲解圍：大家都有少少
陳奕迅（Eason）昨日約五時返港，問到王菲於春晚是否演出失準？他力撐說：「大家都有少少！可能緊張加埋音樂關係，只不過我笑住唱冇皺眉！阿菲都冇忟憎，佢一切如浮雲，過去就算。」他更拉埋自己落水，自爆同樣失準：「佢本身都唔矮，仲着埋高踭鞋，我身形就比佢闊1.5倍，綵排時啲人叫我唔好寒背，唱歌時就老虎蟹成個人挺直，可能花咗啲力喺嗰度。我喺台上冇得郁，係阿菲行過嚟，佢一直好驚我整蠱佢。」Eason坦言與王菲合作很開心，更是她的粉絲！另外，提到與古巨基的「勁敵論」是非，他表示已過去不想再提：「以後見面都冇乜嘢。」
陳奕迅演出春晚後返港，上車時需要旁人幫助。
坐輪椅的Eason在牆邊接受訪問，笑言被記者扒撳住嚟砌！