娜姐食住上唔肯嫁

周秀娜昨晚逼入維園行花市及宣傳,雖然天氣寒冷,依然吸引大批市民圍觀!她自爆去年勁賺7位數,希望龍年長做長有,但似乎嫁杏無期!

昨晚年廿九,但性感女星周秀娜仍踩入維園行花市兼宣傳新片《3D紫荊俠》,當她踏上高台派海報時,令現場更水洩不通!娜姐自爆去年勁賺7位數,且對內衣生意甚有期望:「過完年先有實數,但反應幾好!」她表示暫時只在網站發售,希望盡快回本在港開舖!提到新年願望,她說:「希望每套戲大收,社會唔會再有紛爭!」對於被批將與男友陳偉成閃婚,她卻斷言暫無意嫁人,但會趁假期跟未來老爺及奶奶拜年。

娜姐近月忙於在廣州與方力申拍戲,提到有傳對方的酒店房有妓女宣傳單張,娜姐說:「我唔知呀!唔會去佢間房!不過都見到酒店有嗰啲Poster!」對於師妹何佩瑜(Jeana)與「爆E超蓮」Iris「開拖」,她說:「何超蓮我就識!最緊要一團和氣啦!有咩事出年先解決!」

石詠莉自爆蜜運

同場的石詠莉則透露暑假推出首張個人EP,近日亦接下幾個內地登台騷,令她可過肥年,對於被指是Freeze拆夥後最好成績的一員,她說:「可能幸運啦!唔好講到人哋拖累我咁!我同甄詠珊仲有聯絡!(陳樂榣呢?)唔係好Friend!」又自爆正跟生意人拍拖。

影視組

娜姐出名勤力,連歲晚都踩到盡宣傳,勁!

娜姐邊派海報邊「Chok甫」影相,相信經過專人指導。

石詠莉預告推出新碟,難怪笑笑口。