克勤「飽到滯」唔追女
李克勤約埋Mr.和關楚耀食飯過節,已有兩子的克勤心滿意足,無意追「龍女」:「飽滯啦!好似食飯咁,依家食咗兩碗飯滿載而歸,真係冇咁多愛心、時間生多個!」他預備了6位數派利是,笑言感到很肉痛:「最肉痛係農曆新年開騷,要派幾百封利是,不過我都好想2013年可以再開《左麟右李演唱會》。」
Mr.三子自喻是「樂壇小蟋蟀」,能跟克勤食飯賀年感興奮,希望有合作機會,還想增加佻脫味向草蜢學習,開騷可以嘗試跳舞。而關楚耀則學結他為新碟做準備:「邊彈邊唱Live效果勁啲,想歌迷睇到我嘅努力!」