Winkie@HotCha 愛八哥唔怕「醜」
HotCha成員Winkie現養有一頭名叫「囡囡」的八哥犬，她坦言起初覺得八哥非常醜樣：「其實最初我唔想養八哥，因為覺得好醜樣！不過由於媽咪嗰陣好傷心，佢又鍾意八哥，所以先養。」當她與囡囡日見夜見後，不知不覺間建立起深厚感情，Winkie說：「我同佢真係日久生情！我依家只要見到舖頭有八哥嘅飾物，就會即刻衝入去睇！」
Winkie指囡囡身懷絕技：「佢識得好似人咁企起身！有次我半夜去廁所見到佢企喺走廊，一隻爪掂住牆，好似個人企喺度咁，我嗰下都畀佢嚇親！」Winkie透露囡囡患有白內障，故有時間便返家陪伴愛犬：「我會返多啲屋企陪佢，有時仲帶佢去食好啲同買玩具畀佢玩！」
Winkie與囡囡日對夜對，不知不覺間建立深厚感情。
囡囡雖欠美貌，但勝在身懷絕技！