張文慈過年So Sweet
張文慈（Pinky）為祝大家龍年龍精虎猛，以及過得甜甜蜜蜜，趁過年前跟師傅學整手工藝糖，拉起糖漿有板有眼。近年集中火力在內地發展的Pinky，預計年初七、八才復工，談到新年願望，她竟帶點傷感地說：「冇乜！淨係希望舉家平平安安、身體健康囉！」
原來與Pinky相依為命的婆婆，早前不幸離世，故更珍惜與家人相處的時間：「第一年新年冇咗佢，我同其他屋企人決定初一去佢『屋企』同佢Say Hello。我依家都經常夢見佢，真係需要啲時間適應！」而一直與婆婆同住的Pinky弟弟，月內將搬往Pinky家一齊住，Pinky說：「好多年冇同人一齊住過，為咗歡迎細佬，我會將間屋裝修，仲趁農曆年前執過屋企，同買過晒啲傢俬。」至於感情生活，她笑言「Dry咗好耐」，但一切隨緣。
張文慈學整手工藝糖，炮製有「龍」字的糖果應節！