林峯徐子珊 掃走「爛桃花」
無綫藝人林峯與徐子珊去年事業得意，前者奪金曲金獎，後者一年推出五劇，可惜愛情運皆相當麻麻！林峯年初誤墮「壞桃花」，子珊則緋聞不絕兼被指是第三者，令她大感頭痕！
龍年將至，阿峯在友人指點下，帶子珊到桃花園行大運，誓要踢走爛桃花！眼見桃花園密布桃花，原本形影不離的阿峯與子珊即鳥獸散「各自搵食」，期間不忘順時針方向兜圈，祈求來年行個「靚桃花」！談到龍年展望，因摘下金曲金獎惹來連串抨擊的阿峯表示，要加倍努力做好自己，感情事則順其自然：「我相信要嚟就會嚟，避都避唔到。」而子珊則直言需要拍拖：「不過都要揀個啱對象，急唔嚟！我都希望龍年繼續工作不斷！」
林峯在桃花前表演金雞獨立，祈求與徐子珊在龍年遇上「靚桃花」！
徐子珊與林峯拿着賀年飾物玩，認真大唔透！