Ron籲羲迷放過張馨予

吳卓羲(Ron)昨日與鍾嘉欣、苗僑偉和陳自瑤出席劇集《缺宅男女》宣傳活動。Ron解釋日前沒有出席緋聞女友張馨予參演的電影首映,是因為要開工,笑言對方沒有邀請他。對於張馨予的食煙、攬仔舊照再被刊登,他坦言一早已了解過,更有叫對方要面對一切。但Ron勸粉絲不要太偏激,亦希望大家可着眼她現時的努力:「每個人都有過去,小朋友時嘅吳卓羲都好曳,但入行後就要向前看,希望大家睇佢以後嘅工作、表現,唔好拎番啲舊相出嚟就當一則新聞。」

而苗僑偉表示今日會跟曾志偉到美國出席晚會,太太都會同行,他笑言會以美元落注碰運氣。已懷五個多月身孕的陳自瑤表示,老公王浩信換車只為方便將來BB出世。

Ron和鍾嘉欣玩遊戲,十分投入!

陳自瑤(左起)、鍾嘉欣、苗僑偉和Ron出席劇集宣傳活動。