今次Eason再次做十字韌帶手術，對於手術後的護理情況，關嘉美醫生說：「呢種手術通常都係微創手術，現階段最緊要固定傷勢，休息大約六個月，期間佢企定定唱歌冇咩問題，唔好郁身郁勢，唔好跳舞就應該冇事。」而勞永樂醫生則說：「十字韌帶斷裂，有時手術後都未必完全康復，膝關節可能不穩定，容易跌親，行行吓可能會卡住，所以手術後要小心關節。」
