安祖蓮娜趕生龍B箍老公

影星畢彼特前妻珍妮花安妮絲頓日前傳出懷孕6個月，其現任女友安祖蓮娜祖莉前日亦被指懷有3個月身孕，實行加入生龍B行列！

早前有指珍妮花及安祖蓮娜暗中鬥快生仔，不料珍妮花懷孕後，近日暗示想再生仔的安祖蓮娜亦盛傳懷孕。雖然她日前出席金球獎頒獎禮時仍未見肚，但知情人士說：「佢有咗接近三個月，不過仲未想正式公布。雖然佢每朝作嘔好辛苦，但都值得！」她又表示已將睡房髹成白色，希望營造恬靜的安胎環境。

知情人士又指，因畢安兩口子近日努力造人，增加二人世界的機會，加上最近子女多由保母照顧，故改善了二人關係，而且懷孕可令瘦骨嶙峋的安祖蓮娜增肥，可謂有百利而無一害。

雷神老婆亦有喜

另一邊廂，盛傳懷孕的珍妮花不滿現任男友Justin Theroux沒在聖誕節度假時向她求婚，雙方因而吵架並冷戰，她擔心要獨力養子而致電畢佬哭訴：「我好掛住你，我想你返嚟我身邊﹗」但畢佬竟沒拒絕她，更大爆他跟安祖蓮娜之間的問題！

此外，安祖蓮娜的父親莊威受訪時大讚孫兒，深信他們長大後會進軍影壇並走紅，又笑言「荷里活應該怕了他們」！至於「雷神」基斯漢斯禾夫太太Elsa Pataky首度懷孕已一段時間，現在才宣布，預產期為春天。