蕭正楠拍到噴血頂硬上

歌手蕭正楠近年殺入電視圈，在去年台慶劇《法證先鋒III》中表現出色，獲得不少認同，他直言很開心在劇中與陳茵媺做「情侶」，常有笑料爆出。不過開心之餘，這幾年他也有不少辛酸經歷！

蕭正楠（Edwin）近日走到街上，常有Fans叫他在《法證先鋒III》的角色名「阿Ken」，而到內地唱歌登台，也獲不少觀眾大力支持，令他很有滿足感，他說：「拍《法證III》都幾開心，同Aimee（陳茵媺）做對手戲有好多笑料，好開心！（例如呢？）有次劇情關係要流晒眼淚、鼻涕落佢塊面，一叫Cut，我即刻幫佢抹，點知愈抹就愈污糟，搞到成塊面都係。」

他又說：「其實表面好開心，但有時都好辛苦，好似拍《拳王》，要做一個殘廢嘅角色，心理好唔平衡，又要打老婆，真係好辛苦！」他表示自己歇斯底里得有如萬梓良當年一樣，拍完後心情久久不能平復。

近年藝人紛紛去內地拍劇，蕭正楠也一樣，他說：「都有五位數字一集，但要用命博！」他透露曾經在內地拍《怪俠一枝梅》，演大反派的他要與主角在三、四樓高的城牆上面打到跌落地，當時含着一口假血的他跌在一個未能全破的酒罈上，腰部即時被硬塊頂到，加上對手由上壓下，令他痛上加痛，立即「噴血」，他說：「都係頂硬上，博一博！」

唔急拍拖

至於感情方面，Edwin表示不心急找女友：「做我女友要接受到我係工作狂先得！」而他媽媽一直很支持其演藝之路，但Edwin卻不敢與她分享拍劇的辛酸，他說：「媽媽最鍾意食牛肉，但佢為咗我嘅發展，同觀音講話以後唔食牛肉，所以我好錫佢！」