張慧雯食蟋蟀當吔爆谷

前國際中華小姐季軍張慧雯早前到日本拍攝無綫節目《勁食日本一》,飽嘗不少美食,她說:「基本上日日都不停咁食,但最難忘係去到鄉郊地方食一啲醃製過嘅蟋蟀,最初都有啲嚇親,但係食落係甜甜哋、脆脆哋,感覺好似爆谷咁!為咗拍嘢都食咗十幾隻蟋蟀,啲農民話好有營養o架!」

由加拿大來港發展的張慧雯,近期忙於拍攝兒童節目教小朋友中文,她說:「節目要解釋一啲成語嘅意思、典故,今次做節目順便可以學埋中文。」另外,她透露農曆新年將留在家中包餃子和煮刀削麵應節。

近期忙於主持兒童節目的張慧雯,趁機惡補中文。