拍過無數劇集的劉松仁及陳玉蓮最近再度合作，拍攝無綫民初劇《名媛望族》。劇中松哥有五名老婆，包括蓮妹、韓馬利、江美儀、楊怡及賈曉晨，他笑說：「年齡層咁闊，可以彰顯中國男士嘅博愛精神！（咁益你？）係益佢哋呀！」蓮妹則笑言松哥現實中亦應找個後生女滋潤，松哥即說：「幻想得喇！唔使，應付唔到呀！」
提到再度合作，松哥大讚蓮妹狀態甚好，但不覺得對方是因為他出山：「可能上次合作得開心，而且今次更有火花，因為有床上戲！其實我同個個太太都有，套劇角色情緒變化好大，而且比較深層次！」
松哥與蓮妹再戰四十集長劇，已有心理準備長期捱眼瞓。
