張景淳蔣家旻「鮑」食無憂

引起全城熱話的劇集《天與地》捧紅「阿Yan」蔣家旻及「家明」張景淳，劇中家明慘變同伴「點心」，現實中他終於不用再畀人食，更孖住阿Yan狂擦賀年菜，望新一年衣食無憂！

劇集《天與地》除了令多位主角人氣急升，亦令一眾年輕演員備受注目，當中飾演少女佘詩曼的「阿Yan」蔣家旻（Angel）及「家明」張景淳尤其突出。兩人早前結伴大歎美味賀年餸菜，預祝新一年福星高照。面對多道美味賀年餸菜包括古法蒸桂花魚、墨魚餅拼金磚豆腐、生煎排骨煲及鮑魚山，兩人食到「Lam Lam脷」，Angel最愛寓意金玉滿堂的豆腐，張景淳則讚「大富大貴」桂花魚入味又嫩滑！

張景淳笑言劇中慘被同伴「食」，今次終可開懷大擦一番！他表示向來重視賀年食品，最愛濃味的煎炸美食，但不怕影響皮膚，認真「天生麗質」，他說：「就算幾忙都會食團年飯，有次初一開工到好夜，都趕返屋企同父母拜年。（新年願望？）因為『家明』開始有人留意我，希望來年桃花更旺，多啲機會拍劇！」

恨明年派利是

平日飲食節制的Angel笑言新春可大破「食戒」，會不停食餃子及油角，惟有之後做Gym減肥。現年22歲的她，新年願望除了可接更有發揮的角色外，最想拍廣告及出騷搵銀，並寄望明年派利是：「唔係恨嫁呀！好多藝人未結婚都照派利是，係好意頭，證明自己搵到錢！（咁想幾時嫁？）依家冇時間拍拖，相信要十年後！」