羅仲謙儲夠錢等「上車」

有份參演劇集《缺宅男女》的「大隻仔」羅仲謙，在劇中與陳自瑤（YoYo）為買樓而結婚，現實中的他因而與YoYo老公王浩信成為莫逆。他自爆已儲夠「彈藥」上車，但因巿況不穩而卻步，計劃買樓保值的他更希望成為包租公，並擬定租客名單：「我驚遇到租霸，最好就租畀公務員啦！」對於不少「80後」擔心上車難，同是「80後」的他深表認同，因不少朋友都是「受害者」：「好多朋友都話人工追唔上通脹，仲有報道話依家啲打工仔要唔飲唔食4年，先儲到錢畀首期，好慘！」

此外，談及與城中「Chok男」苗僑偉及吳卓羲鬥型，他自嘲「冇碇企」，亦不介意新劇收視偏低：「套劇反映香港社會，我聽到好多回響，所以收視唔重要。」

羅仲謙慶幸收入追上通脹，隨時Ready做業主。