龍女楊梓瑤望人財兩得

肖龍的「浸大E神」楊梓瑤已連續幾年犯太歲,她笑言非常命苦,但已度定橋趨吉避凶,更希望新一年人財兩得,認真貪心!

雖然楊梓瑤(Carol)只有23歲,但卻十分迷信,每逢農曆新年都會拜神行個大運,並買大堆應節裝飾布置家居,祈求新一年順風順水!她說:「我好迷信,會去睇相預測新一年運程,仲會去拜神,好多人都估我唔到。」早前她更參觀已有百多年歷史的新年用品,豐富過年知識。

借庫攞意頭

肖龍的Carol今年犯太歲,她已叫定媽咪陪她攝太歲,並自嘲近幾年都非常命苦:「肖龍都幾命苦,好似連續幾年都犯太歲,所以拜完神希望新一年過得好啲啦!」她還打算抽空去觀音借庫:「我每年都好想借庫,但太多人,所以冇去過,但今年一定要去,意頭嚟嘅,而且錢冇人嫌多!」

除希望財源廣進外,Carol還希望新一年愛情、事業兩得意:「新一年梗係想搵番個如意郎君啦!最好事業、愛情兩樣都好,都幾貪心,但咁樣先會為目標不斷進步。」此外,今年畢業的她,希望繼續在影壇發展,問到會否繼續騷身材,她說:「我鍾意拍戲,性感要睇題材,但太激就要諗諗。」

專案組

肖龍的Carol過去幾年運程一般,大呻命苦。

Carol希望新一年賺更多錢,笑言愈多愈好!

單身的Carol渴望有愛情滋潤,以找個如意郎君為首要願望。