心疼JC墮人生谷底 Ana R.撐到盡：當佢係妹

Ana R.對同門師妹Jessica C. （JC）愛護有加，當對方是妹妹般照顧，事事提點，尤其在Jessica面對涉嫌偷竊案件，以及疑似淫照事件雙重打擊時，Ana對她不離不棄，百分百支持。

我當Jessica係妹妹咁，我哋真係好Friend好啱傾！得閒會一齊行街Shopping，又會傾電話，無論係工作上定係私人事，佢都鍾意同我傾，問我意見，好信任我。我係一個大姐姐嘅角色，如果解答到都會盡量幫佢，我唔會話佢知應該點做，但係會同佢分析個情況係點，有咩正面同負面嘅影響，等佢自己判斷，我冇理由幫佢做決定。

異鄉互相支持

佢令我諗番起自己初初嚟香港時，我好明白一個女仔離鄉別井嗰種心情，當時嘅我有好多嘢都唔識，都好想有個大姐姐可以提點吓我。而我好好彩識到Lisa，佢好照顧我，令我感受到友情嘅溫暖。我亦希望Jessica可以好似我咁，有個姐姐照顧佢同提點佢。

情傷感同身受

佢同前男友Sergio分手時好Down，成個人暴瘦，又唔肯食嘢，好心痛！我知佢鍾意食甜嘢，成日整甜品畀佢食，等佢唔好再瘦，食完又會開心啲。我都經歷過情傷，佢嘅心情我好明白。早排佢面對涉嫌偷竊案件同埋疑似淫照事件嘅雙重打擊，幾乎崩潰，好擔心啲人點諗，但我對佢係百分百支持，唔會離棄佢！佢喺台灣拍戲期間，有幾日我要過嗰邊工作，都有去探佢。（全文完）

後記

不少人覺得Ana情緒化，時而是個甜姐兒、時而黑面，因而被指難相處。其實Ana相當率直，在模界打滾多年的她，沒有半點虛偽造作。而且她從不會要求多多難服待，還會準備好一切所需，專業爆燈！

口述：Ana R.

筆錄：名人組