陳茵上陳豪屋企拜年
陳茵媺與歌手陳奐仁昨日出席商場的新春活動，提到農曆新年將至，陳茵媺表示正拍攝劇集《大太監》，未知何時停廠放假，新年將留港度歲及到男友陳豪家拜年。問到會否下廚炮製年糕給陳豪家人吃？她說：「我好鍾意食，以前爸爸會一早整畀我哋食當早餐，但我唔識整。（派利是？）會呀！會派畀工作人員，係一個好意頭。（派雙封？）唔會！單封。（幫陳豪入利是？）唔會！我自己都好大頭蝦！」對於有指陳豪的肖像被盜用，她說：「係咩？唔知喎！當Logo咁用呀？靚唔靚o架？令人好生意啲？正面啲睇都係好事，有人賞識佢都叫開心事。（追討？）呢啲交番畀公司處理。」
