林莉冒「韓」領獎峰騷多人冧
「港版林志玲」林莉（Carrie）與歌手古巨基昨日到韓國出席《7th Asia Model Festival Awards 2012》，奪得「Model Star Award」的Carrie不讓韓妹如KARA專美，身穿谷胸晚裝出場，行紅地氈時更獲得不少歡呼聲！首次踏足韓國的她自言怕冷，故帶備大量暖包及暖貼同行，又透露弟弟的女友是韓國人，故此行得到不少幫助：「遠道而嚟當然有見細佬嘅女友，尋日仲飲咗少少酒，所以醉咗！」
同場的古巨基則獲得「Asia Star Award」，他笑言今次學定韓文：「我半年內嚟咗韓國三次，上次係參加釜山音樂節。我喺韓國都有歌迷會，所以學咗幾句韓文，可以親切啲！」他又透露新春將忙於為澳門及巡迴演唱會進行綵排。
林莉谷胸行紅地氈，性感程度遠勝人氣組合KARA。