Chrissie「停驚」 拒再拍鬼片
雖然忙於搞生意，但周秀娜（Chrissie）日前仍跟兩位師妹何佩瑜（Jeana）及余曉彤（Hidy）出席廣州簽名會，順道宣傳有份參演、即將在內地上映的驚慄片。提到近年頻頻拍驚慄片，Chrissie笑言拍到精神緊張：「搞到個人成日疑神疑鬼，所以決定要『停驚』一下，拍吓其他片種過吓冷河先！」身手敏捷的Hidy考慮孖住師姐及Jeana拍攝以「功夫嬌娃」為主題的電影，齊齊打壞人！
對於師姐開設自家內衣品牌，Jeana希望有朝一日也儲夠彈藥投資：「睇吓到時有冇客戶可以夾，因為我投資都唔叻，依家惟有諗定個品牌叫咩嘢名先！」
Jeana（左起）、周秀娜與Hidy到廣州舉行簽名會冧粉絲。