娜姐打造內衣王國谷盡Cup客

吸金力驚人的周秀娜為拓展內地的吸金版圖，決定投資近千萬港元推出自家設計內衣品牌，專攻內地少女市場！她還以32D上圍作生招牌，拍攝一批噴血宣傳照，力谷銷量！

經常中港兩邊走的周秀娜（Chrissie），去年密密工作吸金近二千萬港元，荷包進帳不少，其中吸「人仔」能力更見驚人，單是為內地內衣品牌Lamiu代言已進帳不少！可能有見人仔易賺，Chrissie最近豪掟超過七位數字投資內衣生意，與內地內衣品牌合共投資約800萬人民幣（約1,000萬港元）推出一條名為「秀娜系列」的內衣系列，專攻內地少女市場。

上架一日 定單逾萬

據知，Chrissie非常重視今次的內衣生意，除了親自設計多款性感內衣外，還擔任內衣系列代言人，更親自上陣拍攝超性感宣傳照，多款誘人甫士又跪又瞓，希望以32D逼爆上圍作生招牌。該內衣系列前日已正式推出，而且會於全國多個地方發售，每套內衣約售二百元人民幣。據消息指內衣上架僅一日，網上已有逾萬定單。

記者昨日向Chrissie求證，她接受電話訪問時表示今次進軍內衣市場非常開心︰「之前已經諗住推出自己嘅內衣系列，加上一直都好想搞生意，所以內衣品牌知道後即刻搵我合作，依家可以推出真係好開心！今次嘅設計係想同女生分享我Push Up嘅小秘密，因為我對呢方面有經驗，知道點樣先最吸引人！」Chrissie稱對自家內衣系列的「錢途」充滿信心︰「之前有入股自己公司，但數目冇依家咁多，投資咁多錢可能有少少風險，但我對今次嘅內衣生意好有信心！」