全球潛水十大勝地 Hidy海陸空遊詩巴丹島

海洋保育工作往往被人忽略，偏偏港人卻喜歡陽光與海灘，o靚模余曉彤（Hidy）身為潛水小姐，對此感受更深。早前Hidy因工作關係，與任職潛水教練的男友William一同到全球潛水十大勝地之一 ──馬來西亞的詩巴丹島遊歷十天，令她眼界大開。

Hidy說：「詩巴丹島唔係咁易去到，因為逐漸受污染關係，要預早一個禮拜申請，每日只放150人入島，入島可謂長途跋涉，又車又船又飛機，海陸空出齊，去到又冇酒店喎，雖然辛苦，但我都覺得值得。」

遙望蔚藍的天空跟碧綠的海水連成一線，又有Nemo（小丑魚）、鯊魚、海龜作伴，就算多辛苦，只要踏足過這寧靜的小島也覺值得，Hidy說：「人間天堂莫過於此，令我更認識到人類更加要保護海洋生物，唔可以亂咁打魚。」

不說不知，在詩巴丹島期間，Hidy碰上馬德鐘一家，原來馬德鐘也是個潛水發燒友，Hidy說：「當日仲有佢太太同個仔，佢話呢度龜洞好出名，但太危險所以冇去，又話呢個島兩年前仲靚，可惜已開始受污染。」