子丹撈過界 Chok扮Eason

甄子丹「撈過界」扮陳奕迅（Eason）捧獎，名利雙收的他自爆當年投資拍戲蝕到「渣都冇」，更曾借高利貸度時艱！

甄子丹在賀歲片《八星抱喜》內放笑彈，扮演Band友的他突然「陳奕迅上身」，戴上假髮扮Eason上台領樂壇頒獎禮獎座。子丹扮相贏得不少掌聲，而近日電影公司在網上宣揚愛的訊息，他便將「擁抱」獎座的照片上載到微博支持，還模仿Eason領獎致謝，並留言指很「愛」電影，深信只要堅持必有所獲。

子丹自爆早年的辛酸史：「其實大家睇到我有成績，都係近三幾年嘅事，我入行咁耐都吃過唔少苦頭，最難忘係97金融風暴前後，我自資開拍《殺殺人，跳跳舞》，製作費唔夠50萬美金，因為冇錢做宣傳，搞到票房低收，當年真係一Q清袋！」他透露曾試過銀行戶口只得一百元，走投無路要借高利貸度日！

永不放棄

雖然備受打擊，但子丹從沒放棄理想，肯捱肯搏終於打出一片天。至於今次「E神上身」，子丹亦絞盡腦汁模仿對方，他表示已向劇組請假陪家人出埠過農曆年，共享天倫之樂。